www.avaws.com
Photocopies

AVAWS kier pone enfasis riba e problema serio existente, cual ta, cu tin algun persona ta saca fotocopia di bukinan di musica of ta pone bukinan di musica den forma digital riba internet pa publico por copia y print. En realidad e problema aki ta uno hopi lamentabel y tristo, como cu ta trata den tal caso di propio musiconan cu ta ataca otro musiconan.

Un buki di musica ta propiedad intellectual di un musico cu a entrega su conosemento y creatividad musical den forma di un buki pa pasa su conosemento pa nos, pa cual e musico merece su recompensa correspondiente. Na momento cu saca fotocopia di un buki di musica, un ofensa ta bay den direcshon di e musico cu a publica su buki di musica y un ofensa ta bay tambe den direcshon di e compania cu ta e publicador di e buki.

Formashon pa bira un bon musico ta cuminsa cu bon principionan. Compra y uso di buki orginal ta duna un studiante di musica un bista total riba trayectorio di su estudio...e prome pagina di e buki ta illustra e punto na unda e studiante ta cuminsa y e buki ta illustra riba su ultimo pagina ta na unda e studiante ta bay yega, mientras e musico cu a compila e buki a haya su recompensa correspondiente.

Laga nos cu ta musico keda den bon harmonia cu mundo di bon musica... Cu consenshi limpi e ser humano por disfruta mihor di bon musica,  educadornan lo por produci mihor musico y asina crea mas potencial pa produci mihor musica...

Previous page...

 


          
+297-583-6563
sc