www.avaws.com
Suzuki Violin Method

   E metodo Suzuki ta un serie cu a wordo trahá door di un Hapones kende su nomber ta Shinichi Suzuki (1898-1998). Su metodo pa violin ta consisti di 10 buki. Su bukinan 1 te cu 5 ta obtenibel cu CD incluí of buki sin CD di number 1 te cu 10. Por haya pa cumpra CDnan separá pa bukinan 1 te cu 8.

E CDnan mencioná ta contene ehempel di e  canticanan cu tin den e buki di les, cu tocá di violin y acompañamento di piano. Adishonalmente tin CD disponibel pa buki 1 te cu 4, cu ta contene e tocá di violin y piano, pero ta contene tambe separá e tocá di piano so pa acompaña e studiante di violin tocando su parti.

Tambe tin disponibel pa buki 1 te 10, e partitura pa acompañamento cu piano, pa asina e maestro of otro pianista por acompaña e studiante di violin.

MIDI CD-Rom tambe tin disponibel  pa bukinan 1 te cu 6, cu cual por haci uso di e flexibilidad cu MIDI ta ofrece.

 Como bukinan adishonal tin tambe disponibel  "Adventures in Music Reading for Violin". E serie aki di 3 buki ta introduci e studiante na e abilidad basico pa toca scales, keys, pitch y ritmo. Contenido di e serie aki ta wordo presenta den un formato adecuado pa un adulto splica na un studiante hoben. E musica cu e bukinan aki ta contene a wordo organizá segun scale, key y patronchi pa dede, yudando e studiante siña pa medio di ripitishon di e patronchinan.

 Mas tin e collecshon "Operatic Melodies" cu ta ideal pa ambos principiante como tambe ideal pa esnan cu ya ta conose e mundo di opera. E buki ta contene partitura pa acompañamento pa piano y partitura pa e violin solista. E musica cu tin riba e CD inclui a wordo grabá cu e violinista Judith Starr y e pianista Jarle Rotevath, ambos di e Bergen Philhamonic Orchestra di Norway. 

 Tambe tin "Easy Songs for Shifting in the First Five Positions" cu ta introduci e violinista na un manera agradabel na e 2nd, 3rd, 4th y 5th position. Tur e melodianan den e buki aki ta catchy y por wordo memoriza cu facilidad. Cada cambio ta wordo siñá door di ripitishon. Na principio e studiante ta wordo guiá cu numbernan pa cada dede, pero poco poco ta laga e numbernan sin mustra como cu na dado momento  e studiante lo mester sa fingering for di memoria. E buki aki ta bon tanto pa les den grupo como tambe pa les privá.

 "Group Lessons": Un compilashon di ideanan pa duna les den grupo, planeá pa reforzá locual a wordo siñá den les privá. E buki aki ta correlashona cu bukinan 1 te cu 4 di e curso pa violin di Suzuki. Cada secshon ta contene un introducshon, secshon pa warm-up y ta observa postura, concentrashon, coordinashon, technica pa man drechi y man robez y forma musical total.

"Home Concert":  Esaki ta un buki di repertorio cu ta un selecshon di Dr. Shinichi Suzuki. Mayoria di e piezanan musical ta scribí pa dos violin. E buki aki ta apropia pa e studiantenan cu a caba buki 3 di e curso di violin di Suzuki.

 Den e buki "Note Reading for Violin",  Dr. Shinichi Suzuki ta splica paso pa paso for di string habrí te cu proceso pa pone dede, kiko ta pasa cu e dedenan ora tin symbolo di sharps, flats y naturals. E ta splica tocante ritmo y con pa lesa posishonnan mas halto di notashon musical. E buki tin potretnan cu ta mustra hopi cla locual cu e studiante mester sa.

 "Position Etudes": E piezanan musical den e buki aki ta pa yuda e studiante siña toca y haya dominio of control total den toca diferente posishon.

   "Quint Etudes": E buki aki ta pone enfasis riba scuchamento di sonido di e violin; den e buki aki tin ehercicio pa toca double stops cu bunita tono y resonancia. E buki aki at contene tambe ehercicio pa shift entre e string G y E den fifths.

 "Duets for Violins": E buki aki ta contene partitura pa un segundo violin pa e piezanan musical di bukinan 1 te cu 3. E buki aki ta apropia pa studiantenan ya un poco avansá. 

 "My Trio Book": E serie aki ta contene partitura pa un di dos y  un di tres violin pa e piezanan musical di e bukinan di les 1 y 2 di Suzuki. Cu e buki aki studiantenan di  diferente nivel por toca hunto, como cu e arreglo pa e di dos y di tres violin ta na nivel mas avansá. Pa e serie aki tin su CD disponible.       

Previous page...   


          
+297-583-6563
sc